Lífsþjálfunarnámskeið fyrir konur

Meira ég

Gefðu þér pláss til að staldra við, hlusta á sjálfa þig og skoða hvað þú vilt meira af í lífinu.

Í nóvember fer Meira ég af stað í annað sinn. Hlýlegt og persónulegt námskeið fyrir konur sem vilja hlúa betur að sjálfum sér og kynnast sér betur.

Skrá mig á biðlista Aðeins 8 pláss í hópnum

Kannastu við þetta?

Þú hefur verið til staðar fyrir alla aðra. En hvað með þig?

Kannski hefur þú verið lengi að sinna öllum og öllu í kringum þig. Kannski finnur þú að nú sé kominn tími til að beina athyglinni aðeins aftur að þér.

Ekki til að umbylta öllu.

Heldur til að staldra við, skoða hvar þú ert stödd og hvert þig langar að stefna.

Meira ég er tækifæri til að gefa sjálfri þér þann tíma.

8 Konur · Einn hópur

Lítið rými. Meiri nánd.

Af hverju aðeins átta konur?

Það er meðvituð ákvörðun hjá mér. Mig langar að skapa hlýlegt og öruggt rými þar sem hver kona fær pláss til að taka þátt, opna sig og deila á sínum eigin forsendum.

Konurnar í fyrsta Meira ég hópnum hafa sérstaklega nefnt hversu dýrmætt það hefur verið að vera í litlum hópi. Nándin verður meiri, tengslin sterkari og auðveldara að deila með hinum.

Átta samverur

Tími fyrir þig. Fyrir jól og inn í nýtt ár.

Við tökum okkur tíma til að skoða hvar við erum staddar í dag og hvert okkur langar að stefna.

01 / FYRIR JÓL

Sex samverur til að staldra við

Í aðdraganda jóla gefum við okkur tíma fyrir okkur sjálfar. Við vinnum með sjálfsþekkingu, skoðum hvar við erum staddar í lífinu og veltum fyrir okkur hvað skiptir okkur máli og hvaða drauma við berum í brjósti.

02 / Í JANÚAR

Tvær samverur fyrir nýja árið

Í byrjun janúar hittumst við aftur og horfum fram á veginn. Við vinnum með markmiðasetningu og veljum okkur orð ársins. Það getur orðið falleg byrjun á nýju ári og upphafið að einhverju nýju.

Kannski er kominn tími til að gefa sjálfri þér sama pláss og þú hefur svo lengi gefið öðrum.

Meira ég · Með Siggu Grétu

Gott að vita

Svona fer námskeiðið fram

Átta skipti

Sex samverur fyrir jól og tvær í byrjun janúar. Við hittumst á Zoom á miðvikudagskvöldum kl. 20, í klukkustund í senn.

Upptökur

Upptökur af fundunum verða aðgengilegar á öruggu svæði meðan á námskeiðinu stendur svo þú getir horft aftur.

Einkatímar

Innifaldir eru tveir einkatímar í lífsþjálfun hjá mér, klukkutími í senn, þar sem við vinnum út frá þér.

Fjárfesting í sjálfri þér

40.000 kr.

Átta samverur og tveir einkatímar í lífsþjálfun eru innifaldir. Hægt er að skipta greiðslunni í tvennt.

Meira ég · Nóvember

Finnur þú að Meira ég gæti verið fyrir þig?

Þá langar mig að bjóða þér að skrá þig á biðlistann. Aðeins átta konur komast í hópinn. Ég sendi þér nánari upplýsingar þegar nær dregur.